ILOILO CITY – Ginrekomenda sang Iloilo City Building Officials Inspection Team para sa temporary abandonment ang twin building sa Iloilo City National High School (ICNHS) matapos makit-an sang madamo nga depekto sa structural stability sini.
Sa interview sang Bombo Radyo kay Engr. Cloyd Grecia, iya ginpahayag nga base sa ila inspection sang Biyernes, nagauyog ang building kon ini ang sakaan sang tawo.
Lima ka anyos na sugod sang ginpatukod sang Department of Public Works and Highways (DPWH) ang nasambit nga building, kag ini ang ginabug-usan sang duha ka floors kag anom ka classrooms.
Suno kay Grecia, kay-uhon anay ang building, santo man sa panugyan sang ila pamunuan kag sa hingyo sang principal sang ICNHS .
Ginabanta man nga 200 ka mga estudyante ang nagatinir sa amo nga building.
