ILOILO – Ginahingyo sang Department of Agriculture (DA) sa mga pumuluyo nga kun mahimo, likawan ang pagdala sang pasalubong nga pork products sa Western Visayas.
Sa pahayag ni DA Director Remelyn Recoter, labi nga mas delikado ang mga produkto nga nagikan sa Luzon kag sa mga pungsod nga apektado sang swine fever.
Ini agud suno sa natungdan, malikawan nga maapektuhan ang rehiyon nga sa subong indi pa makabig nga ‘apektado’ sang African Swine Fever.
Nahibaluan nga may yara na sang ban sang importation sang pork products sa siyudad kag probinsya sang Iloilo.
Sa probinsya sang Iloilo, may yara sang Executive Order 159 nga gin-amyendaran si Iloilo Governor Arthur Defensor Jr. nga nagadumili sa entry sang swine, pork, pork products, kag by-products nagikan sa Luzon.
Ini ang ginapahayag nga “pagdugang sang kudal” sang probinsya agud masigurado ang proteksyon sang swine industry.
