ILOILO – Ginaduso sang Iloilo Provincial Government ang pagtukod sang varsity programs sa mga national secondary schools sa probinsya.
Ini ang kabahin sang suporta nga mahimo sang gobyerno agud tingbon ang pwersa sang sports kag edukasyon sa Iloilo.
Sa interview sang Bombo Radyo kay Iloilo Governor Arthur Defensor Jr., iya ginpahayag nga todo-suporta ang ila pamunuan sa pagtib-ong sang hinampang paagi sa Special Education Fund agud mapa-uswag pa ang interes sang mga kabataan sa sports.
Ginalantaw man ang pagdihon pa sang dugang nga programa sa gymnastics.
Kaangot sa bag-o lang natapos nga Iloilo Schools Sports Council (ISSC) Meet 2019, ginpahayag sang gobernador nga himuon nila ang kutob sang masarangan agud masuportahan ang student-athletes sa palaabuton nga Western Visayas Regional Athletic Association (WVRAA) Meet.
Wala naman sang napalab-ot nga mayor nga reklamo kaangot sa aktibidad.
