ILOILO – Nagakadapat mag-andam sa pagsaulog sang bag-ong tuig.
Ini ang pahanumdom ni Iloilo Gov. Arthur Defensor Jr., agud malikawan ang firecracker injury kadungan sang pagsug-alaw sa 2020.
Sa interview sang Bombo Radyo kay Defensor, iya ginpahayag nga sa tagsa ka una nga adlaw sang Enero, mga nagkalamatay, mga nagkalapilasan ukon na-utdan sang kamot ang masami nga mabati-an bangud sa patarasak nga pagpalupok sang firecrackers.
Suno kay Defensor, sang siya ang yara pa sadto sa Kamara, iya nga ginduso ang Fireworks Development Act nga naga-regulate sa pagpalupok sa tion sang bag-ong tuig.
Ginpahayag ni Defensor nga kun may yara sang Inter-Agency Fireworks Development Council, maistriktuhan ang pagpatigayon sang fireworks display kag pagpalupok sa palibot agud nga malikawan ang firecracker injury.
