ILOILO – May yara na sang nakaplastar nga priority projects si Iloilo Gov. Arthur Defensor Jr. para sa 2020.
Sa interview sang Bombo Radyo kay Defensor, iya ginpahayag nga kabahin sang iya priority projects amo ang mga nakita nga kakulangan sa probinsya sang Iloilo.
Kabahin sang mga proyekto amo ang pagpatuman sang road widening projects, pagdugang sang bed capacity kag personnel sa mga district hospital kag pagpatukod sang water system sa tagsa ka barangay.
Magluwas diri, on going naman ang pagpatukod sang regional offices para sa mga ahensya sang gobyerno kasubong sang Department of Health, Department of Interior and Local Government kag Philippine Health Insurance System.
