ILOILO – Ginsabat sang tagdumalahan sang Iloilo Sports Complex ang pila ka mga reklamo sa diin gina kuwestiyon nila ang madugay nga pagkadelay sang proseso sang pagpakaayo sang swimming pool.
Sa interview sang Bombo Radyo kay Dr. Ma Janelyn Fundal, Provincial Government Department Head iya ginpahayag nga madamo sang dapat kaayuhon indi lang sa swimming pool kundi sa bilog man nga Sports Complex kaangay nalang sang mga comfort rooms kag shower rooms.
Ini bangud sang 1992 pa humalin sang napakay o ini.
Suno kay Fundal, isa pa sa ginatan aw nila nga rason sang pagka atrasar sang pagkay o sang pool amo ang pagka delay man sang concrete stamping nga iilis sa daan nga salog sang swimming pool kag ini ang gin order pa sa China.
Apang nag abot na ini sang damlag lang kag mahimo na nga umpisahan anuman nga oras ang pag ilis sang mga pebbles sa pool.
Dugang sang natungdan, paislan man ang filtering systems sang pool sa diin ginahulat pa ang ginorder nga mga makina.
Santo ma sa pahayag ni Fundal, may yara sang 180 ka adlaw nga working schedule ang kontruktor nga nagsugod sang agosto 2019 kag tubtob pa sa Pebrero 15 subong nga tuig.
Naghingyo naman sang pasaylo si Fundal sa publiko bangud sa madugay nga proseso sa pagkay o sang swimming pool, kag ginpahayag niya nga na intindihan niya ang sentimento sang tagreklamo bangud sila man mismo ang napasalig sang kontraktor nga matapos nila ini sa ginhatag nga tiyempo kag madamo na naman nga costumer nila ang nadula bangud sa delay.
Nahibaluan nga napadal an na sang Provincial Engineer’s Office sang letter of termination nga pirmado man sang gobernador ang kontraktor sang swimming pool sa diin ginapasabat sila sa delay nga natabo.
Suno naman kay Fundal, nakahatag na sang sabat ang kontraktor sang Enero 17 apang kinahanglan pa ini nga iassess.
Sa subong, amat-amat na nga napintahan sang Iloilo Sports Complex apang nagpasalig ang kontraktor suno kay Fundal nga tinghuaan nila nga matapos ini sa mas madali nga tinion.
