GENEVA,SWITZERLAND- Nagnubo ang numero sang mga nagkalamatay bangud sa Coronavirus Disease 2019 sa China apang mas nagakabalaka ang World Health Organization sa paglapta sang nasambit nga balatian sa nagkalain-lain nga pungsod.
Suno sa mga otoridad sa China, gikan sa 889 ka mga kaso sang Cornavirus Disease 2019, nagnubo ini sa 397.
Sa iba naman nga pungsod, padayun ang pagtaas sang kaso kasubong sang South Korea, Iran, Italy kag Lebanon.
Suno kay World Health Organization chief Tedros Adhanom Ghebreyesus, gina abi-abi nila ang pagnubo sang kaso sang nasambit nga balatian sa China apang padayun sila nga nagakahangawa sa nagataas nga numero sang mga apektado sang balatian sa bug-os nga kalibutan.
Nahibaluan nga nagapangayo sang halos $675 million nga suporta ag World Health Organization para sa 13 ka mga pungsod sa Africa sa diin ang iban ang konektado sa China.
