ILOILO – Nagsugod na ang clean-up and sanitation drive sang mga empleyado sang Iloilo Provincial Government bilang kabahin sang pagtapna sang Coronavirus Disease 2019 (COVID-19).
Sa interview sang Bombo Radyo kay Provincial Administrator Atty. Suzette Mamon, iya ginpahayag nga tagsa ka Sabado, may yara sang patigayunon nga cleaning kag disinfection sa kapitolyo.
Suno kay Mamon, nahatagan na sang authorization ang tagsa ka department head tuhoy sa kun sin-o ang naka-assign sa pagpaninlo.
Samtang, ginpahayag man ni Mamon nga required nga magpakita sang Identification Card ang tanan nga may transaksyon sa Iloilo Provincial Capitol.
Kabahin ini sang hightened safety measures kag kun sa diin ang tanan nga magasulod ang pagahatagan sang visitor’s pass.
