Nahisugtan na ni US President Donald Trump kag Canadian Prime Minister Justin Trudeau nga ipasarado ang ila nga mga border.
Ini agud malikawan nga maglapta pa ang Coronavirus Disease nga posible dala sang mga non-essential travellers.
Suno kay President Trump, temporaryo lang ang pagpasarado nila sang Northern Border kag gin-athag niya nga indi maapektuhan ang negosyo sa tunga sang duha ka pungsod.
Madumduman nga una na nga nagpatuman sang travel ban ang duha ka pungsod apang may yara pa sang exemptions.
Nahibaluan nga una naman nga ginpamalabagan ni Trudeau ang pagpasarado sang border bangud halos 200,000 ang mga residente sang Canada ang masami nga nagapadulong sa Estados Unidos.
