ILOILO CITY – Padayon nga ginaduso ni Iloilo City Mayor Jerry Treñas ang pagpasangkad kag padayon nga pagpatigayon sang mga testing sa mga pasyente sang Coronavirus Disease 2019 sa syudad sang Iloilo.
Sa interview sang Bombo Radyo kay Mayor Treñas, iya ginpahayag nga nagakadapat nga dugangan pa ang mga test kit sang syudad agud mas madasig nga mahibaluan kun pila ang kaso sang nasambit nga balatian.
Suno kay Treñas, indi pormal nga mabatuan kag matapna sang mga otoridad ang COVID-19 kun indi mahibaluan ang matuod nga numero sang kaso.
Dugang sang natungdan, ginahimo na nila sa Iloilo City Government ang tanan agud matigayon nga makakuha sang dugang pa nga mga test kits ang syudad apang bangud sa madamo nga requirements sang Department of Health nangin mabudlay ini para sa ila.
Sa pagkamatuod sila man tani ang magamit kag para man ini sa pumuluyo.
Samtang may kaangtanan naman sa pagpatuman sang lockdown sa syudad sang Iloilo sa tion nga magdamo pa ang kaso sang COVID-19, nakabase ini sa rekomendasyon sang Department of Health kag iga implementar nila.
