ILOILO CITY- Ipatuman ang one entry one exit policy sa Iloilo Terminal Market umpisa bwas nga adlaw.
Sa interview sang Bombo Radyo kay Punong Barangay Woody Dela Riarte, miyembro sang vendors association sa Iloilo Terminal Market, iya ginpahayag nga nahisugtan sa pagsinapol ang pagpatuman sang one entry one exit policy bilang pagpangaman sa Coronavirus Disease 2019 (COVID-19).
Suno kay Dela Riarte, 5:00 sa aga magabukas ang merkado rason nga indi na kinahanglan nga magpadulong sang mas temprano ang mga manugbakal.
Ginpahayag ni Dela Riarte nga kinahanglan nga maggamit sang facemask kag dal-on ang quarantine pass sa tion nga magpamalaklon sa merkado.
Nahibaluan nga ang enterance pasulod sa merkado amo ang duha ka gate nga nahamtang sa De Leon Street samtang ang exit naman ang gate sang merkado nga naga-atubang sa Brgy. Rizal Pala-Pala 2.
