ILOILO CITY – Nagapangabay si Iloilo City Mayor Jerry Treñas nga mag tinir sa sulod sang ila mga puluy-an kun wala man lang sang importante nga padulungan.
Ini kasunod sang inisyal nga impormasyon nga nabaton sang alkalde nga may isa na naman ka residente gikan sa syudad sang Iloilo nga nag positibo sa COVID-19.
Sa interview sang Bombo Radyo kay Treñas, iya ginpahayag kinahanglan naton nga mag tinir sa sulod sang aton panimalay ilabi na ang mga kabataan kag senior citizen bangud wala kita nakahibalo sang kondisyon sang mga tawo nga makaimpon naton sa gwa.
Dugang sang natungdan, ang tanan nga madakpan nga nagalapas sa Curfew ang posible magapangatubang sang naga ka-igo nga silot.
