MANILA– Mahimo makapadayun sang operasyon ang food industry apisar nga 50% lang ang kadamuon sang ila trabahador bangud sa pagpatuman sang Enhanced Community Quarantine.
Suno kay Cabinet Secretary Karlo Nograles, ang mga establisimento nga yara sa patag sang produksyon ang ginalakipan sang manufacturing, packaging, processing kag lakip na diri ang sa food distribution.
Ginpahayag ni Nograles nga ang Department of Trade and Idustry ang otorisado nga mag-apruba sang temporaryo nga pagdugang sang workforce apang nagakinahanglan nga mag-observe sang istrikto nga social distancing.
Liwat man nga nagpanawagan si Nograles sa mga food industry firms sa pungsod nga maghatag sang akomodasyon para sa ila mga trabahante.
