ILOILO CITY– Bastante na sa subong ang suplay sang covid-19 test kits sa Western Visayas, kasunod man sang padayun nga pagsaka sang nga nagapositibo sa coronavirus disease 2019.
Sa interview sang Bombo Radyo kay Congresswoman kag anay Health Secretary Janette Garin, iya ginpahayag nga bastante ang suplay bangud ang isa ka test kit ang sarang maka-akomodar snag 22 ka mga indibidwal kag ang 5,000 ka kits ang maka-akomodar sang 110,000 ka mga pasyente.
Suno kay Garin, kinhanaglan unahon sa pagtest ang mga health workers nga naga-atipan sa pasyente, mga kaupod sa balay ukon trabaho sang nagspositibo kag ang asthma, kag iban pa
Pahayag pa ni Garin, kun may yara sang mga magpositbo ukon may mga sintomas sang virus, kinahanglan nga madaka ini gilayun sa hospital agud indi na makalaton pa sa mga kaupdanan sini.
Dugang pa sang natungdan, sa sini nga krisis, wala sang diskriminasyon bangud kinahanglanon ang pagbinuligay sang tanan agud malampuwasan ang coronavirus disease 2019.
