ILOILO CITY – Ginpanginwala ni Punong Barangay Roberto Niño sa Brgy.Calumpang, Molo, Iloilo City nga nagpasalig siya nga sinandomeng nga bugas ang ila ipanghatag sa mga pumuluyo.
Ini matapos nga nagpalab-ot sang reklamo sa Bombo Radyo, ang isa ka pumuluyo nga ginapahayag nakabaton sang bugas nga may yara sang indi manami nga kalidad kag may yara sang malain nga baho.
Sa interview sang Bombo Radyo kay Punong Barangay NiÑo, iya ginpahayag nga NFA, well milled kag regular milled rice lang ang bugas nga nabaton nila gikan sa City Government kag ini man ang ginpanagtag nila sa mga pumuluyo sa ila barangay.
Suno kay Niño, mahimo nga nag ekspektar lang ang mga pumuluyo bangud iya sang Sinandomeng ang sako nga ginabutangan sang bugas nga ginpanagtag.
Gin-athag man sang punong barangay nga wala sang baho ang bugas nga ila ginputos.
Dugang sang natungdan, nagdangat na sa 5,097 ka pamilya ang nahatagan nila sang bulig sa diin gin prayoridad nila ang mga indigent nga pamilya lakip man ang mga borders lang sa ila barangay.
