Nagpanugyan ang administrasyon ni US President Donald Trump sa mga pumuluyo sang estado nga ginakabig hotspot sang coronavirus disease 2019 nga magsuksok sang face masks kun maggwa sa ila nga mga panimalay.
Ini agud mabuhinan ang anuman nga posibilidad nga mas maglapta pa ang makamamatay nga virus.
Sa ginpatigayon nga press briefing ni US President Donald Trump sa White house, iya ginpahayag nga ginahulat nalang niya ang guidance gikan sa mga public health experts may kaangtanan sa pagsuksok sang face mask sa mga pampubliko nga lugar.
Dugang sang natungdan, nagakabalaka si Dr. Deborah Birx nga miyembro sang White House Coronavirus task force nga posible kalabanan sa mga Amerikano ang indi magsunod sa ginapatuman nga social distancing kag paghugas sang kamot bangud nakasuksok na sila sang facemask.
Madumduman nga una na nga ginrekomenda ni Trump ang paggamit sang scarf bilang pantabon sa baba samtang ang face masks naman ang italana para sa mga frontliners.
