Nagdangat na sa 525 ka mga Pilipino sa luwas sang pungsod ang nagpositibo sa COVID-19.
Suno sa Department of Foreign Affairs, 344 na ang padayon nga ginabulong samtang 132 naman ang nakarecover kag nakagwa na sa ospital.
Napatay naman ang 49 ka mga Pilipino nga nagpositibo sa nasambit nga balatian nga kalabanan gikan sa Estados Unidos kag Europa.
Nahibaluan nga masobra na sa 1,000 ka mga Filipino seafarers gikan sa isa ka barko sa Estados Unidos kag Europa ang na repatriate matapos nga mastranded bangud sa COVID-19 pandemic.
Samtang nakapauli naman sa Pilipinas ang 322 ka mga Filipino seafarers gikan sa isa ka cruise ship sa Italy nga amo ang Costa Diadema kag Costa Victoria.
