ILOILO- Napasar na sang Sangguniang Panlalawigan ang P270, 111, 458.78 nga assistance fund sang Probinsya sang Iloilo para sa coronavirus disease 2019 response.
Sa interview sang Bombo Radyo kay Iloilo 4th District Board Member Rolando Distura, iya ginpahayag nga ang P55, 611, 568 ang para sa mga bulong kag medical supplies sa mga district hospitals, P1.5 million naman para sa krudo, P27 million para sa pagkaon kag iban pa nga mga assistance nga mahimo ibulig sang probinsya.
May yara man sang assistance suno sa iya para sa mga kabanwahanan nga nagdangat sa P186 million sa diin ang formula diri ang nakabase sa kun pila ka household ang yara sa isa ka banwa.
Suno kay Distura, nakadepende na sa mga Local Government Units kun iga-augment nila sa iban nga kinahanglanon ang igahatag nila nga assistance.
Pahayag pa niya, kun may yara sang pagkaon sa tagsa ka mga panimalay, indi na kinahanglan pa nga magwa apang sa sini nga tion sang krisis, nagakadapat nga indi man malimtan ang mga mangunguma nga padayun nagahatag sang suplay sang pagkaon sa komunidad
