Padayunon subong nga semana sang House Committee on Appropriations ang pagtalakay sa ginaproponer nga P6.783-trillion national budget para sa tuig 2027.
Lakip sa paga-istoryahan ang pondo sang Department of Education, Department of Health, Judiciary, Department of Information and Communications Technology kag Department of Tourism subong nga adlaw, Setyembre 7.
Samtang, buwas naman nga adlaw, Setyembre 8, pagatalakayon ang ginaproponer nga budget sang Department of Social Welfare and Development kag Department of Labor and Employment.
Tinutuyo sang sini nga hearing nga busision ang mga pondo nga igapain para sa edukasyon, ikaayong lawas, trabaho kag iban pa.
Samtang, sadtong Setyembre 3, naistoryahan naman ang budget para sa Department of Transportation, Department of Agrarian Reform, Department of Foreign Affairs, kag Commission on Human Rights.
