Nagapadayon ang Department of Social Welfare and Development (DSWD) sa paghatag sang suporta sa mga biktima kag pamilya nga naapektuhan sang insidente sang pagpangluthang sa sulod mismo sang eskwelahan sa Banga, South Cotabato, sini nga Biyernes, Septyembre 18.
Suno sa DSWD, padayon nga ginabuligan sang ila mga personnel ukon “Angels in Red Vests” ang mga estudyante nga nasamaran kag ang ila mga pamilya.
Lakip sa gina-provide nga bulig ang psychological first aid, psychosocial support, kag assessment para mahibaluan ang iban pa nila nga kinahanglanon nga serbisyo kag intervention.
Nagpahayag man sang pagpakig-unong ang DSWD sa mga pamilya nga nadulaan sang himata bangud sa insidente. Sila ang hatagan sang burial assistance.
Samtang, padayon ang koordinasyon sang DSWD Field Office 12 ukon SOCCSKSARGEN sa lokal nga panguluhan kag iban pa nga ahensya sang gobyerno agud masabat ang mga kinahanglanon sang mga biktima kag ila mga pamilya.
