Nagbiya na sa Roma kag nagbyahe pakadto sa Latin America si Pope Leo XIV nga amo ang iya ika-anum nga pagbisita sa iban nga pungsod halin sang nagpungko bilang Santo Papa.
Alas-7:05 sang aga sang naglupad ang eroplano nga ginsakyan sang Santo Papa kaupod ang mga journalist nga naga-cover sang iya pagbiyahe.
Halin sa Nobyembre 6 tubtob 17, pagabisitahan sang Santo Papa ang Uruguay, Argentina kag Peru.
Una niya nga kadtuan ang Montevideo sa Uruguay, kun sa diin magapakigkita siya sa mga opisyal sang gobyerno kag mga lider sa pulitika, kag magapanguna man sa pagselebrar sang Vespers upod ang lokal nga Simbahan.
Pagkatapos sini, makadto siya sa Argentina kag bisitahan ang Buenos Aires, Córdoba kag Luján antes magpadayon sa Peru, kun sa diin pagabisitahan niya ang Lima, Chiclayo, Cusco kag Pucallpa.
Sa sulod sang 12 ka adlaw nga pagbiyahe, ginapaabot nga makakadto ang Santo Papa sa napulo ka siyudad, makasakay sa mga 12 ka biyahe paagi sa eroplano kag makahatag sang halos 40 ka mensahe sa lenguahe nga Espanyol.
