ILOILO CITY-Ginpahanugutan na sang Department of Health kag sang Office of the Presidential Assistant for the Visayas ang hingyo ni Iloilo City Mayor Jerry Treñas nga massive testing sa syudad sang Iloilo.
Sa interview sang Bombo Radyo kay Treñas, iya ginpahayag nga sa impormasyon nga iya nabaton, positibo ang sabat sang duha ka mga ahensya.
Suno kay Treñas, naglab-ot sa 500 test kits ang mahimo gamiton sang mga Persons Under Investigation kag Persons Under Monitoring.
Ginpahayag ni Treñas nga may yara man sang 2,700 ka test kits ang gin-amot sang mga negosyante para sa mga Ilonggo.
Ang COVID-19 test kits naman nga ginhimo sang mga eksperto gikan sa University of the Philippines ang gamiton nga reserba.
