ILOILO CITY – Padayon nga ginahugtan sang quinto distrito ang ila mga lihok batok sa COVID-19.
Sa interview sang Bombo Radyo kay Ajuy Mayor Jett Rojas, iya ginpahayag nga nagsapol ang tanan nga mga alkalde sa quinto distrito agud istoryahan ang pagpasangkad sang mga lihok nga ila ginapatigayon batok sa makamamatay nga balatian.
Suno kay Rojas, nahisugtan sang mga alkalde nga mag amot-amot agud ibakal sang mga Personal Protective Equipments bilang kabahin man sang preventive measures nila batok sa COVID-19.
Dugang sang natungdan, himuon man nga voluntary stay at home ang adlaw sang dominggo agud mas monitor ang paggwa sang mga tawo agud man masunod ang physical distancing.
Santo sa pahayag sang alkalde, padayon man ang ginapatigayon nila nga contact tracing sa mga naka close contact sang mga persona nga gikan sa ila nga banwa nga naka close contact man ang mag-asawa gikan sa banwa sang Pavia, Iloilo nga nagpositibo sa COVID-19.
