GENEVA, SWITZERLAND– Ginatun-an sang World Health Organization ang report nga ila nabaton tuhoy sa mga nagnegatibo na sa Coronavirus Disease 2019 (COVID-19) apang sang liwat nga ginpaidalom sa test, liwat naman nga nagpositibo.
Suno sa World Health Organization, padayon ang ila paghibalo kun nga-a liwat nga nagpositibo ang mga pasyente nga nag-ayo na sa nasambit nga virus.
Ginatutukan na sang clinical experts sang organisasyon ang tuhoy diri kag dapat lamang nga siguraduhon nga nag-agi sa husto nga proseso ang pagkuha sang samples.
Nahibaluan nga suno kay Jeong Eun-kyeong, direktor sang Korea Centers for Disease Control and Prevention, sa ila pungsod, halos 91 ka mga pasyente ang ginapahayag liwat nga nagpositibo sa nasambit nga virus.
Dako naman ang posibilidad suno sa natungdan nga nangin ‘reactivated’ ang virus sa lawas sang mga pasyente.
