Nag abot na sa Pilipinas ang P30 milyon nga balor sang medical supplies gikan sa Fujian, China.
Suno sa Armed Forces of the Philippines nga amo ang nagpatigayon sang shipment, ang mga nasambit nga suplay ang nag abot sa Pilipinas sakay sang Philippine Air Force C-130 aircraft.
Lakip sa nasambit nga shipment ang 20,000 ka mga personal protective equipment, 3,000 face shields, 3,000 goggles, 100,000 gloves, 42,000 KN-95 masks kag 500,000 ka surgical face masks nga gindonar ni Senator Sherwin Gatchalian.
Naturn over na kay Department of National Defense Secretary Delfin Lorenzana kag National Task Force COVID-19 Chief Implementer Carilot Galvez Jr. ang nasambit nga mga donasyon.
Suno sa Armed Forces of the Philippines, as of April 24 nagdangat na sa 552,808.27 pounds sang cargo ang natransport paagi sa nagkalain-lain nga aircraft sang Philippine Air Force nga amo ang C130, C295, N-22, NC212i, UH-1H/1D, SF260, and F28 aircraft.
