ILOILO CITY– Ginkumpirma sang Philippine Coast Guard Station Iloilo, nga indi pa madayun ang byahe sang mga fastcraft vessels Iloilo Bacolod vice versa sa Lunes, Mayo 18, 2020.
Sa interview sang Bombo Radyo kay Lt. Commander Joe Luviz Mercurio, Station Commander sang Coast Guard Iloilo, iya ginpahayag nga ginarespeto nila ang ginpapanaog nga memorandum ni Negros Occidental Governor Eugenio Jose ‘Bong’Lacson, nga indi danay pagpahanugutan nga ibalik gilayun ang byahe sang mga sea vessels agud mabuhinan, ang risgo sang local transmission.
Suno kay Mercurio handa man sila nga tungdan ang ila responsibilidad sa tio nga magbalik ang byahe sa Hunyo 1, 2020 santo man sa nakasulat sa executie order ni Governor Lacson.
Pahayag pa ni Mercurio, nahitso naman ang pagsulundan sa diin 50% lang ang passenger capacity, nagakadapat nga may yara sang face mask ang mga pasahero, may sanitation area ang mga vessels, may yara sang alcohol kag kinahanglan mag obserba sang physical distancing.
Dugang pa sang natungdan , pahanugutan nila ang pagbyahe sa mga lugar nga gindeklara nga ipaidalom sa General Community Quarantine , samtang ginadumilian naman ang pagbyahe sa mga lugar nga yara sa gihapon sa Enhanced Community Quarantine kaangay sang Cebu kag Manila.
