ILOILO CITY– Liwat nga magabukas ang talatapan sang Land Transportation Office Region 6 sa maabot nga Mayo 20, 2020, para sa mga nakapalista pinaagi sa transaction by appointment.
Sa interview sang Bombo Radyo kay Land Transportation Offie Region 6 Spokesperson Riza Otayde, nag ang mga may appointment lang ang ila akomodarun kag indi sila magbatun sang mga walk-ins sa maabot nga adlaw sang myerkules.
Suno kay Otayde, wala man sila subong nagabatun sang application for new licences kag sa baylo, ang ila pagabatunon amo lang ang mga magarenew sang ila lisensya nga nag-expire sa tion sang quarantine period.
Gin-athag man ni Otayde nga kun ang pag-expire sang lisensya kag rehistro ang natuon sa quarantine period, may yara ini sang validity extension nga kutob sa duha ka bulan.
Nagapangabay man siya suno kay Otayde nga kun expire na ang rehistro sang salakyan, indi na ini mahimo nga ibyahe pa sang nagapanag-iya kag sa baylo, siya ang magrenew sang rehistro antes gamitun ang amo nga salakyan.
Ang mga numero nga mahimo tawgan sang mga maluyag magtransaksyon ang nakapost sa official Facebook Page sang Land Transportation Office Region 6.
