MANILA– Ginaduso sang Project Antibody Rapid Test Kit team sa idalom sang pribado nga sektor ang pagpatigayun sang rapid antibody tests kag Reverse Transcription-Polymerase Chain Reaction (RT-PCR) tests.
Santo sa pahayag nga ginpaguwa sang ARK Medical Team, ang kombinasyon sang rapid kag RT-PCR ang pamaagi agud liwat nga magbukas ang ekonomiya sang Pilipinas samtang padayun nga ginabantayan ang posible pagluntad sang second wave sang virus.
Luyag sang nasambit nga medical team nga mangin balanse ang tanan kag ini man ang rason kun nga-a nagabulig sila sa mga hospital sang gobyerno agud nga mapadasig, mapabarato kag madamo ang mapaidalom sa RT-PCR testing.
Nahibaluan nga ang Project ARK medical team ang ginpangunahan ni Dr. Minguita Padilla, Clinical Associate Professor sa Philippine General Hospital-University of the Philippines (UP) College of Medicine, anay Health Secretaries nga sanday Dr. Manuel Dayrit kag Dr. Esperanza Cabral; Dr. Rontgene Solante, pinuno sang Infectious Disease Section sang San Lazaro Hospital kag Dr. Vicente Belizario, dean sang University of the Philippines, College of Public Health.
