Nagnubo sa 17% ang produksiyon sang mais sa third quArter subong nga 2026 sa Pilipinas kun ikumparar sa amo man nga period sang nagligad nga tuig, suno sa Philippine Statistics Authority (PSA).
Ginapakita sa datos sang PSA nga nagpanaog halin sa 2.425 milyon tubtob 2.003 million metric tons (MT) ang produksiyon halin sang Hulyo tubtob Setyembre sang tuig 2025.
Apang base naman sa pinakabag-o nga record, mas mataas ini sang 1.506 milyon nga na-produce sa ikaduha nga quarter sang 2026.
Ang yellow corn production, nga nagapanguna nga ginagamit sa animal feeds para sa hogs kag poultry, ang nagnubo sa 1.383 million MT sa third quarter halin sa 1.718 million MT sa amo man nga period sang 2025.
Nagnubo man ang white corn production sa 620,581 MT halin sa 707,471 MT.
Gin-report man sang PSA nga ang area kun sa diin gin-harvest ang mais halin July to September ang nagnubo sa 691,825 hectares halin sa 789,243 hectares sa amo nga period sang 2025.
Matandaan nga ginpirmahan ni President Ferdinand Marcos ang executive order nagapataas sang corn import quota sang pungsod sa 500,000 MT agud mabuligan ang manubo nga supply.
