ILOILO CITY– Indi pa makapat-od si Iloilo Governor Arthur Defensor Jr kun bala mahimo na makabukas ang Iloilo International Airport, matapos may yara na sang pila ka mga airlines nga magabalik na ang operasyon.
Sa interview sang Bombo Radyo kay Governor Defensor, iya ginpahayag nga indi pa siya makahambal kun bala magabalik na ang operasyon sang Airport.
Suno kay Defensor, may yara sang mga Locally Stranded Individuals nga magapauli kag ginahitso na ang mga ini.
Indi pagpahanugutan suno kay Defensor board sa eroplano ang mga wala sang travel order, wala sang health certificates, kag iban pa nga dokumento.
Naga-ayo man siya sa Civil Aviation Authority of the Philippines nga kuntani, indi anay pag ibaligya ang ticket.
Kuntai suno sa gobernador, duha ka adlaw antes paman mag-abot ang mga strandees, may yara na sang mahatag sa ila nga manifesto agu mahibaluan kun pila ang magapauli, kag mapahibalo man ang mga Local Government Unit, agud ma preparahan sang maayo ang akomodasyon.
