ILOILO CITY- Dead on arrival sa ospital ang isa ka senior citizen matapos ginluthang sang motor-riding suspects sa Landheights Ville, Tagbak, Jaro, Iloilo City.
Ang biktima ginkilala nga si Herbert Catacutan Jr.,63 anyos ang edad,kag residente sang lugar.
Sa interview sang Bombo Radyo kay Pol. Major Reynante Jomocan, hepe sang Jaro Police Station, iya ginpahayag nga nagapanilhig ang biktima sang gintiro sang wala pa makilal-an nga mga tawo.
Suno kay Jomocan, ginabanta nga walo ka igo sang bala ang naangkon sang biktima lakip na ang patal nga pilas sa ulo ang gintunaan sang iya kamatayon.
Santo sa impormasyon, si Catacutan ang anay myembro sang Citizen Armed Force Geographical Unit(CAFGU) nga isa sa ginasundan nga anggulo sa krimen.
