ILOILO CITY– Naga-agunto pila ka mga manugbaligya sa Iloilo Terminal Market (Super) bangud man sa gamay nga kita kag magamay nga numero sang mga customers.
Sa interview sang Bombo Radyo kay Josefina Pinuela, isa ka vendor sa Iloilo Terminal Market (Super) iya ginpahayag nga mahina ang baklanay sang mga baligya kaangay sang utan, kararuton kag iban pa bangud man sa kagamay sang tawo nga nagasulod sa merkado.
Suno kay Pinuela, bangud magamay lang ang bumalakal, apektado man ang ila kita sa diin halos katunga gid ang nabuhin.
Pahayag pa niya, kun indi maubos ang ila mga baligya kaangay abi sang utan ila nalang ini nga ginahaboy bangud nagakadunot na ini.
