Naluoy ang pila ka mga manugbakal sa kahimtangan sang mga bolantero nga nagabaligya sa seawall bangud daw halos lupadon na sang hangin ang ila mga trapal.
Kahapon, November 11 sang hapon nakuha ang amo nga video.
Sa interview sang Bombo Radyo sa isa sa mga manugbakal, iya ginpahayag nga indi naman ni bag-o nga ginbutang sa seawall ang baligya sang mga vendor bangud nagligad tuig dira man sila ginbutang.
Ini bangud gamiton ang ila nauna nga area sa night market sang banwa para sa opening of lights nga event.
Apang nagalaum kuntani ang manugbakal nga mahatagan sang igtalupangod sang local government unit sang Concepcion ang sitwasyon subong sang mga bolantero bangud sa mabaskog nga huyop sang hangin malapit sa dagat.
Bukas ang Bombo Radyo sa paathag sang LGU-Concepcion.
