Na-refer na sa Committee on History and Cultural Affairs sang Sangguniang Panlalawigan ang Resolution of Intent nga gin-request ni Iloilo 2nd District Representative Kathryn Joyce Gorriceta agud i-endorso sa Kongreso ang pagdeklara sa banwa sang Santa Barbara bilang capital town sang Iloilo Province.
Ini ang ginkumpirma ni Iloilo 2nd District Board Member Rolito Cajilig, nga nagpaathag nga ang papel sang Sangguniang Panlalawigan amo ang paghatag sang endorsement sa request sang mga banwa, samtang ang Kongreso amo ang may otoridad nga magdesisyon pinaagi sa pagpasa sang corresponding bill agud ideklarar ang isa ka lugar bilang capital town.
Nahibaluan nga sang damlag lang, na-file na ni Rep. Gorriceta sa Kamara ang House Bill 11820, sa diin katuyoan nga i-establisar ang Santa Barbara bilang official capital sang probinsya sang Iloilo.
Text by: Bombo Lynd-C Bade
