Wala napunggan ni Senator-Judge Pia Cayetano ang iya pagkadismaya sa House prosecution panel kadungan sang ika-43 nga adlaw sang impeachment trial ni Vice President Sara Duterte.
Natabo ini matapos ang recross-examination sa defense witness nga si Chadrin Parian kaangot sa kapin ₱200,000 nga balor sang mga sapatos nga ginbakal ni Atty. Manases Carpio para sa isang basketball team.
Ini nga mga sapatos ang ginbakal sa Kuala Lumpur, Malaysia kag ginbayaran ni Carpio paagi sa credit card.
Si Parian ang amay sang isa sa teammates sang bata ni Carpio sa basketball team nga Elite Philippines.
Ginkuwestiyon ni Cayetano kun ginapakita sang prosekusyon nga mangin kuwestiyonable ang pagbulig sa mga anak sang iban nga ginikanan bangud lamang nga sang ulihi nagpungko sa puwesto sa gobyerno ang mga ginikanan sang mga ini.
Gin-athag naman ng prosekusyon nga ang ila nga mga pamangkot ang nakasentro sa kun makatarungan ang balor nga gin-gasto, base sa mga hitabo nga may kaangtanan sa isa ka opisyal sang gobyerno.
