Magapresentar pa sang sang dugang nga mga testigo ang kampo ni Vice President Sara Duterte agud maghatag sa klaro nga sabat sa mga palamangkutanon sa nagapadayon nga impeachment trial.
Suno kay Atty. Michael Poa, spokesperson sang defense team, may mga masunod pa nga mga testigo nga magahatag sang klaro nga sabat kaangot sa Statement of Assets, Liabilities and Net Worth ukon SALN ni Duterte.
Lakip na diri ang mga ginkwestyon sang mga senator-judge kun ngaa may lain nga nakabutang sa SALN kag ang mga dokumento nga nauyatan sang Securities and Exchange Commission ukon SEC.
Kasunod ini sang testimoniya ni Atty. Suzette Balucanag-Punay, in-house lawyer sang GenCorp Industries kag Metro City Chow Foods Corporation, nga indi makahatag sang nagakaigo nga sabat kun ngaa nakabaton sang bayad si Duterte halin sa isa ka fast-food branch nga ginpondohan.
Samtang, ginpahayag man ni Poa nga indi na nila pag-ipresentar ang iban sa mga bank representative bilang testigo agud mapalip-ot ang oras, magluwas lamang sa representative sang Bank of the Philippine Islands.
Wala pa ginbuyagyag sang defense team ang identity sang mga nabilin pa nila nga ipaatubang nga testigo.
