ILOILO CITY- Gina-engganyo sang Iloilo City Cooperative Development Council ang mga pumuluyo nga mangin kabahin ukon magpa-myembro sa kooperatiba.
Sa interview sang Bombo Radyo kay Al Avon Jay Francisco, Vice chairperson sang Iloilo City Cooperative Development Council, iya ginpahayag nga nga mahimo magpa-myembro sa kooperatiba ang sin-o man nga pumuluyo.
Suno kay Francisco, kun luyag sang iya ka persona nga mangin katapo sang kooperatiba, mahimo ini nga magpakig-angot sa pinakamalapit nga kooperatiba sa ila lugar, hibalu-on kun ano ang mga rekisitos, kag magtambong sa mga pre-membership seminars.
Pahayag pa niya, kun may yara sang maluyag magpabulig sa ila kun ano nga kooperatiba ang nagakaangay, mahimo man nga Magpadulong sa Cooperative Development Authority Office sa bahin sang Leganes, Iloilo.
