ILOILO CITY – Nakahanda ang Iloilo City Government nga sundon ang suhestyon ni National Task Force COVID-19 Contact Tracing Czar kag Baguio City Mayor Benjamin Magalong agud mapadasig ang contact tracing.
Sa interview sang Bombo Radyo kay Iloilo City Mayor Jerry Treñas, iya ginpahayag nga bukas sila sa panugyan ni Magalong nga mismo ang mga COVID-19 positive ang mag post sa ila social media accounts nga may yara sila sang virus.
Apang suno kay Treñas, panumduman pa niya ini sang maayo antes ipatuman sa syudad.
Gin-ako man sang alkalde nga indi malikawan nga may matabo nga deskriminasyon sa mga pasyente sa tion nga mag post ang mga ini sang ila health status ilabi na kun positibo ang mga ini sa COVID-19.
Sa tion nga matun-an sang maayo ang panugyan ni Magalong, ini ang ipatuman na sa syudad sang Iloilo.
