Padayon nga nagahingyo sang bulig nga pagpangamuyo ang pamilya ni Senator Ramon ‘Bong’ Revilla Jr. matapos siya nga ginhingagaw-dala sa ospital para sa COVID-19 treatment.
Santo sa Facebook post ni Bacoor Mayor Lani Mercado Revilla, nagdevelop sang pneumonia si Sen. Revilla kag indi na nagakaangay pa sa iya kondisyon ang isolation sa isa lang ka regular nga pasilidad.
Hospital care suno sa alkalde ang kinahanglan subong nga nagalala ang kondisyon sang senador.
Matandaan nga gin-anunsyar sang senador nga nagpositibo siya sa COVID-19 sang Agosto 9.
Sa ila bilog nga pamilya, si Sen. Revilla lang ang may positive result sa swab test matapos nakaclose contact sa COVID-19 positive nga household member kag staff.
Si Revilla man ang ika-apat nga senador sa pungsod nga na-infect sang nasambit nga virus, sunod kanday Senators Juan Miguel Zubiri, Koko Pimentel, kag Sonny Angara.
