Ginkumpirma ni Presidente Rodrigo Duterte nga may risgo nga mag-develop sa Stage 1 cancer ang iya Barrett’s esophagus nga kondisyon.
Suno sa presidente, nagpanugyan ang iya doktor nga untaton na niya ang pag-inom sang makahulubog nga ilimnon agud indi na maglala ang balatian.
Matandaan nga una na nga nag-ako ang 75-anyos nga presidente nga nagasusprer siya sang Barrett’s esophagus ukon ang pagpalamanog sang esophagus.
Suno sa US National Institute of Diabetes and Digestive and Kidney Diseases, ang mga tawo nga nagasuprer sang nasambit nga balatian ang may daku nga tsansa nga makaangkon sang malaka nga klase sang cancer nga ginatawag nga esophageal adenocarcinoma.
Sa iya meeting sa Davao City, nagpahayag man ang presidente nga nagakadulaan siya sang gana sa pagkaon.
Matandaan nga sang Mayo subong nga tuig, ginbasura sang Korte Suprema ang apela sang pila ka grupo nga ipagwa sa publiko ang health records ni Duterte.
