ILOILO CITY – Nagpadala sang bulig ang Central Visayas para sa COVID-19 response sa Western Visayas.
Sa interview sang Bombo Radyo kay Dr. Marlyn Convocar, director sang Department of Health Region 6, iya ginpahayag nga may nag-abot nga 2 ka doktor, 4 ka nurse, kag 6 ka medics gikan sa Cebu kag gindeploy sa mga pribado nga ospital sa
Bacolod City.
Suno kay Convocar, una na nga nagpahayag ang mga pribado nga ospital sa Bacolod nga handa sila nga magdugang sang bed allocation para sa COVID-19 patients apang kulang sila sa medical personnel.
Magluwas diri, may yara man sang magaabot nga 10 ka nurses sa Setyembre 1 halin sa Central Visayas nga bunga sang Emergency Hiring of Personnel for COVID-19 response.
Sila ang igadesignar sa syudad sang Iloilo kag Bacolod.
Sa pihak nga bahin, ang Department of Health Region 6 ang magadeploy man sa 10 ka nurse sa Corazon Locsin Montelibano Memorial Regional Hospital sa Bacolod City kag 4 ka nurse nga iga-assign sa Western Visayas Medical Center kag sa Western Visayas Sanitarium.
