ILOILO – Ginhingyo sang Western Visayas Medical Center Subnational Laboratory sa Department of Health Region VI nga limitahan lang sa 500 ka specimen ang ipasulod sa ila laboratory para sa COVID-19 testing.
Sa interview sang Bombo Radyo kay Dr. Stephanie Abello, chief pathologist sa nasambit nga ospital, iya ginpahayag nga indi na masarangan sa pag-proseso ang nagasulod nga mga specimen sa subong bangud magluwas nga kulang sila sa medical personnel, nagasobra na ini sa kapasidad sang subnational laboratory.
Nahibaluan nga 1000 ang masarangan i-proseso sang laboratory kada adlaw, apang suno kay Dr. Abello, nagalapaw diri ang ginapadala sa ila.
As of August 21- August 30, may yara pa sang 9,406 ka pending nga mga specimen, samtang, 3,258 naman ang on-process.
Bangud sini, lauman suno sa natungdan nga 10 tubtob 11 ka adlaw ang turn around time ukon ang hulaton sang mga nagapa-swab test antes ma-release ang resulta.
