Tatlo ang patay kag madamo ang napilasan bangud sang duha ka separado nga explosion nga natabo sa United Arab Emirates.
Sa capital city nga Abu Dhabi, ginkumpirma sang government media office nga duha ang ginbawian sang kabuhi bangud sang paglupok sa KFC kag Hardees restaurants sa Rashid bin Saeed Street ukon Airport Road sa amo nga syudad.
Ang isa ka napatay ang yara nagatinir malapit sa building, samtang ang isa naman ang nagalabay lang sa lugar sang nahulugan sang debris.
Suno pa sa kapulisan, gin-evacuate na ang mga tawo nga yara nagatinir sa building kag sa palibot sang ginluntaran sang insidente.
Una naman nga ginpahayag sang Abu Dhabi government media office nga ang paglupok ang tuga sang “misalignment in the gas container fittings following refuelling”.
Sa Dubai, isa man ang napatay bangud sang paglupok sang gas cylinder sa isa ka restaurant.
Santo sa pahayag sang Dubai Civil Defence spokesperson sa The National Newspaper, na-damage ang gound floor sang building bangud sang paglupok.
Nagdugay ang sunog sang kapin 30 minutos antes nakontrol sang otoridad.
