Magapatigayon sang lima ka adlaw nga online job fair ang Civil Service Commission (CSC) sa Setyembre kadungan sang selebrasyon sang 120th Philippine Civil Service Anniversary.
Suno kay Commissioner Aileen Lizada, patigayunon ang online career fair sa Setyembre 14-18.
Ginpahayag man ni Lizada nga may yara sang ginabanta 729 ka job vacancies sa 76 ka ahensya sang gobyerno.
Lauman man suno sa natungdan nga mas mataas pa nga numero sang bakante nga trabaho sa gobyerno ang igaanunsyar bangud ginpalawig pa tubtob Setyembre 10 ang deadline sang government agencies nga maka-register sang job vacancies.
Mahimo mabisita ang website sang CSC para sa guidelines kun paano mag-apply sa trabaho.
