PMakabaton sang ₱100,000 nga incentive ang barangay sa Manila City nga indi makarecord sang bag-o nga kaso sang coronavirus disease 2019 (COVID-19) umpisa Setyembre 1 tubtob sa Oktubre 31.
Ini ang ginpasalig ni Manila Mayor Francisco “Isko Moreno” Domagoso sa 896 ka barangayan sa iya live video address subong nga Lunes, Agusto 31.
Suno sa alkalde, magapain sang ₱89.6 million nga pondo ang local government unit para sa incentive-based approach agud matapna ang paglaton sang COVID-19 sa nasambit nga syudad.
“Ang goal natin ay zero COVID-19 infection for two months sa barangay, and I believe that you can do it. Mag-aappropriate po tayo ng ₱89.6 million kasi ang goal natin, hopefully, kanya-kanya tayong magsisigasig para labanan ang COVID-19 pandemic,” pahayag ni Moreno.
Suno kay Moreno, ang COVID-19 data sa kada barangay ang iga-verify sang Manila Health Department (MHD).
Magluwas sa cash incentive, may igahatag man nga certificates bilang pagkilala sa pagpaninguha sang mga barangay officials.
Santo sa pinakaulihi nga data sang MHD, ang syudad sang Manila ang may yara na sang 8,110 COVID-19 cases; 874 ang active cases, 6,911 ang nakarecover samtang 325 ang napatay.
