GUIMARAS – Dakup ang lima ka mangingisda nga tumandok sang Cauayan, Negros Occidental bangud sang illegal fishing sa Sitio Unisan, Brgy. Guiwanon, Nueva Valencia, Guimaras.
Ang mga nadakpan amo sanday Joel Caniedo Sr., 53 anyos; Joel Caniedo Jr., 23 anyos; Juvy Moncal, 55 anyos; Raymond Jiz, 19 anyos; kag Charlie Natingga, 30 anyos.
Dala sang lima ka nasambit nga mangingisda ang tatlo ka motorbanca.
Sa interview sang Bombo Radyo kay Police Master Sergeant Johnrey Galfo, imbestigador sang Nueva Valencia Municipal Police Station, iya ginpahayag nga kakulang sa isda sa banwa sang Cauayan ang rason sang lima kun ngaa nagpangayaw pa sila sa Unisan Island.
Sang nadakpan sang Bantay-Dagat Patrol team, may dala na nga mga isda nga sapsap ang lima ka persona.
Gindala ang lima sa Municipal Bantay Dagat Detachment sa Brgy. Canhawan sa banwa sang Nueva Valencia.
