Wala pa sa gihapon nakit-an ang 36 ka mga Pinoy Crew nga nalakip sa namissing matapos naglugdang ang Gulf Livestock 1 bangud sa bagyo Maysak sa Japan.
Suno sa Department of Foreign Affairs, kahapon nga adlaw, Setyembre 8, santo sa report sang Philippine Embassy sa Tokyo kag sang Philippine Consulate General sa Osaka, wala sang may narescue ang Japanese Coast Guard.
Bangud sini, padayunon pa ang sea kag aerial search subong nga Mierkules, Setyembre 9.
Nagpasalig man ang ahensya nga padayunon sang Philippine government ang suporta sa ginahimo nga pagpangita sa mga Filipino seafarers nga nalakip sa missing.
Nahibaluan nga 43 ka crew ang sakay sang Gulf Livestock 1, 39 diri ang Pinoy, duha ang Australian kag duha ang New Zealander.
Duha ka Pinoy crew ang nakit-an nga buhi kag subong yara na sa maayo nga kondisyon sa isa ka ospital sa Japan, samtang isa naman ang ginbawian sang kabuhi. #
