ILOILO CITY – Dako ang mabulig sang online sa pag-angkon sang income subong nga COVID-19 pandemic.
Sa exclusive interview sang Bombo Radyo kay Shayne Mabaquiao, tumandok sang San Joaquin, Iloilo, isa ka Content Repurposing Expert kag Founder sang Ilonggo Freelancers Group, iya ginpahayag nga apisar isa siya ka iloy kag home maker, wala ini nangin upang agud mag-angkon sang income.
Suno kay Mabaquiao, nagakadapat nga may ideya ka sa moderno nga teknolohiya agud indi mabudlayan sa pagbaligya sang mga produkto ukon magtrabaho gamit ang computer.
Sa pagbaligya, nagakadapat suno sa natungdan nga may yara ka sang target market kag ini ang nagakadapat nga specific.
Nagpanugyan man ang natungdan nga kun mag post sang picture mas maayo nga mag research anay sang creative shot agud mas makaganyat sang customers.
Nagakadapat man suno kay Mabaquiao nga i-post kun bala cash on delivery ang isa ka produkto kag maghatag sang timeline sa pagdeliver.
Gin-athag man sang natungdan nga ang isa produkto ilabi na ang ginabaligya online ang may yara sang life cycle kag nagadapat nga mag innovate agud makatupong sa iban.
