Pahanugutan na nga makapatigayon sang public mass ang mga simbahan sa syudad sang Iloilo.
Ini ang ginkumpirma ni Father Angelo Colada, director sang Social Communications sang Archdiocese of Jaro.
Sa interview sang Bombo Radyo kay Colada, iya ginpahayag nga limitado lang sa 30 percent seating capacity ang mahimo makatambong sa misa.
Ini nga announcement ang ginhimo sang Archdiocese of Jaro matapos ang nauna nga anunsyo kaina sang aga kun sa diin una ginpahayag nga suspendido tubtob sa Oktubre 9 ang public mass.
Wala naman sang misa nga patigayunon sa mga barangay nga naka-total lockdown.
Mahimo man nga may mga pagbag-o suno kay Colada kun magabalik sa general community quarantine classification ang syudad.
