Nagpasalig ang mga ospital sa syudad sang Iloilo nga padayon nila nga batunon sa pasilidad ang mga nagabusong nga mga pasyente kag non coronavirus disease 2019 (COVID-19) patients.
Sa interview sang Bombo Radyo kay Iloilo City Mayor Jerry Treñas, iya ginpahayag nga lakip ini sa naistoryahan sa pagsinapol sang mga hospital directors, COVID-19 task force, kag COVID-19 team kaina sang aga.
Suno kay Treñas, ginabutang ini nga mga pasyente separado sa lugar sa mga ospital kun sa diin nahamtang ang COVID-19 patients.
Suno pa sa alkalde, kun mapadala na sang Department of Health (DOH) ang mga Personal Protective Equipment (PPE) sa syudad, hatagan man sang suplay ang nanuhay-tuhay nga mga ospital agud indi na sila magsukot sa mga pasyente.
